أيوة ياساكنة القلب بعيدة
أيوة ياحلوة..بس عنيدة
قلبي أنا رافض يعشق غيرك
روحي مُحال راح تبقى سعيدة
إزاي يومي يفوت كدا عادي
وانتي في بيت الحُزن وحيدة؟
إزاي خدك يلمس خدُّه؟
ازاي تبقي دفاه من بردُه؟
فعلاً ممكن يسمع قلبك لما يضُمك والتنهيدة؟
عارفة انا بعمل ايه دلوقتي؟
باكتب ليكي كلام مش ممكن يوصف ألمي ويوصف حيرتي
انا خسران الجنة في بُعدك
فانتي إزاي هاتكوني كسبتي؟
مش معقولة تكوني فرحانة
لأ مش ممكن مهما تقولي
إنتي هناك والله سهرانة
عارفه عيونك؟ جُم وقالولي
عاشقك؟؟
أيوة وقُلت كتير
رايدك؟؟
يااااااه وبدون تفكير
ولّا هقولك ..لأ راح أفكّر
طعم شفايفك لأ مش سُكر
طعم شفايفك خمرة وبيرة
لما هادوقهم لازم أسكَر
عينك أصلاً تنفع دفتر
أقرا كلامُه عشان ارتاح
قلبي يجوع لِك وأتعب أكتر
ياااه دانا ناسي
إسمك شايل هوا أنفاسي
ضحكة قلبك دهبي وماسي
عارفة كلام الكون والعالَم؟
عاجزين يوصفوا يوم إحساسي❤️
#محمدعسل
تعالوا معايا يلا نقول يارب إقبل صيام رمضان يارب إغفر ذنوبنا كمان يارب إجعلنا مهما نخاف نكون بـ رضاك في بر أمان وزِيح عن دارنا ...
مفيش غير الإله قادر يشيل الكَرب والغُمة عشان الحُزن مش هايضيع بـ كُتر الخلق واللمّة دخول الناس في جرحك مش دوا وتِرياق عشان الناس سعات ...
ليست هناك تعليقات:
إرسال تعليق