(الوصية)

(إسمع لكلامي)

كان نفسك حد يقول مالك ومفيش ولا واحد قالهالك 💔

(ميراث الذُل)

(عجبي عليك يازمن)

(جرحتيني)

(طـريق النـور)

(عـرض ســاري)

بيت الحُزن

أيوة ياساكنة القلب بعيدة أيوة ياحلوة..بس عنيدة قلبي أنا رافض يعشق غيرك روحي مُحال راح تبقى سعيدة إزاي يومي يفوت كدا عادي وانتي في بيت الحُزن وحيدة؟ إزاي خدك يلمس خدُّه؟ ازاي تبقي دفاه من بردُه؟ فعلاً ممكن يسمع قلبك لما يضُمك والتنهيدة؟ عارفة انا بعمل ايه دلوقتي؟ باكتب ليكي كلام مش ممكن يوصف ألمي ويوصف حيرتي انا خسران الجنة في بُعدك فانتي إزاي هاتكوني كسبتي؟ مش معقولة تكوني فرحانة لأ مش ممكن مهما تقولي إنتي هناك والله سهرانة عارفه عيونك؟ جُم وقالولي عاشقك؟؟ أيوة وقُلت كتير رايدك؟؟ يااااااه وبدون تفكير ولّا هقولك ..لأ راح أفكّر طعم شفايفك لأ مش سُكر طعم شفايفك خمرة وبيرة لما هادوقهم لازم أسكَر عينك أصلاً تنفع دفتر أقرا كلامُه عشان ارتاح قلبي يجوع لِك وأتعب أكتر ياااه دانا ناسي إسمك شايل هوا أنفاسي ضحكة قلبك دهبي وماسي عارفة كلام الكون والعالَم؟ عاجزين يوصفوا يوم إحساسي⁦❤️⁩ #محمدعسل

الحُب صَريح ❤️

الحُب دا تاج عالراس يتشال مش لعبة في إيد حَبة أندال الحُب صَريح وجميل ومُريح محتاج لقلوب أغلىٰ من المَاس وقلوب الناس كرتون وصَفيح😏 #محمدعسل

إنتي فين؟

كلميني في أي حاجة قولي رقمَك رن ليه؟ هتلاقيني بقول بحبك ومداريها في عاملة إيه؟ إسأليني الساعة كام ساعتي عينك هي فينها؟ تضحكي لي وتاخدي كام غنوة صوتك أحلىٰ منها إنقذيني من دماري واحضُنيني واطفي ناري كلميني إنتي فييييييييييين؟ الدقيقة في بُعدك انتي كل ثانية تفوت سنين. #محمدعسل

رمضان كريم

تعالوا معايا يلا نقول

يارب إقبل صيام رمضان

يارب إغفر ذنوبنا كمان 

يارب إجعلنا مهما نخاف

نكون بـ رضاك  في بر أمان

وزِيح عن دارنا أي هموم

يارب بندعي يوم ورا يوم

تطمّن قلبنا بالصوم

وتغسل روحنا بالقُرآن⁦❤️⁩

#محمدعسل

بلاش تعمل حساب للناس

مفيش غير الإله قادر يشيل الكَرب والغُمة عشان الحُزن مش هايضيع بـ كُتر الخلق واللمّة دخول الناس في جرحك مش دوا وتِرياق عشان الناس سعات بتكون عقارب للجِراح سامة وبينافقوك وبيغشوك وليهُم خمسوميت ذِمة وفيهُم حد كُنت تظنُه غالي وكان في سوق المُخلصين (رِمة) في ليل حُزنك بلاش تعمل لحد حساب بلاش ترمي الحمول عالناس هاترجع ليك هموم وعذاب وعود بالذكرىٰ للماضي تلاقي الكُل كان كداب بـ ذِكر الناس جراحك تتسع وتزيد بـ ذِكر الله تضُم القلب لو مجروح 200 ضمّة فاقول ...الله #محمدعسل

(طريق مقطوع)

عايشين أيام زي الأفلام بدايتها قلوب وحنين وغرام نهايتها دموع وسنين أوهام أيام مليانة تعب وهموم وعيون جواها عتاب ومَلام الناس ماشيين ف طريق مقطوع وبيجروا عشان هايموتوا قُدّام والدنيا رَحايا وفيها الناس حبّات من قمح بينطحنوا فيه ألف سؤال بيذاكروهُم علشان في الآخرة هايمتحنوا 👌 #محمدعسل

ملاك⁦❤️⁩

إزاي أفرح يوم أو أغنّي وإنتي القلب معاكي هناك باحلف ليكي وربنا شاهد شايفك جوة الدنيا ملاك شايلك تحت جناحي كَـ بنتي ياللي معاكي بلاقي سعادتي حُضنك...داري حُزنك... ناري حُبك هو بجد قراري رِقة صوتك بتزلزلني وبتعزِلني في كون من نور دمعة عينك دي بتزيلني بتخليني حزين مكسور أنا من غيرك ميت فعلاً واذا يوم شُفتك هارجع حَي بُعدك عني كون من ضَلمة إمتىٰ هاتيجي تجيبي الضَي؟ #محمدعسل

(يوم زفافك)

(ممكن سؤال)

يكفيكي شر الغيرانين والمُجرمين ⁦

(طفلة بريئة)

(عزف على وتر الحنان)

(نسيج من وهم)

(أغلى من روحي)

(عجبي عليك يازمن)

(حُبي اللي مـات)

ماســة

كان ياما كان

وحشني اللعب في الشارع وكان ياما كان وكِيس كراتيه ولعبة ماريو والسِلم مع التِعبان وبنك الحظ والشطرنج والكورة وثومة في راديو بتغني (عايزنا نرجع زي زمان قول للزمان إرجع يا زمان) ومَصطبة الجيران ياما قعدنا عليها نتسلىٰ وبنت الحِتة لو فاتت عيون في الأرض تِتملّىٰ وكُنا نعيش نخاف على بعض لو حتى مِيتين مِلة وصوت أمي ياواد ذاااااكر أبوس إيدك تقوم يلّا وصورة أبويا عالحِيطة (بتدي الدرس للبرواز) أبويا برغم كان قاسي لكن وسط الحياة أُستاذ نصحني زمان وعلمني ودلوقتي أبويا هناك وسايب إيدُه مرسومة على العُكاز. #محمدعسل